1.អ្នក​ឧកញ៉ា គួច ម៉េងលី៖ «មិន​ចង់​ឱ្យ​កូន​បាក់​ទឹក​ចិត្ត និង​រៀន​ចាញ់ប្រៀប​គេ គួរ​ឱ្យ​ពួកគេ​ចូល​សាលា​ពី​អាយុ ៣ ឆ្នាំ 2.កម្ពុជា ទទួល​ជំនួយ​បន្ថែម​ពី​អាល្លឺម៉ង់​ជាង ៣០ លាន​ដុល្លារ សម្រាប់​ដោះ​ស្រាយ​បញ្ហា​អគ្គិសនី​តាម​ជនបទ 3.កម្ពុជា​គ្រោង​ប្រើ​រថយន្ត​អគ្គិសនី​ឱ្យ​បាន ៤០ ភាគរយ​នៅ​ឆ្នាំ ២០៥០  ដើម្បី​ជួយ​កាត់បន្ថយ​​ឧស្ម័ន​កាបូន​ឱ្យ​នៅ​កម្រិត​សូន្យ  4.យុវវ័យ​ខ្មែរ​គួរ​ច្នៃ​បណ្តាញ​សង្គម​រក​ចំណូល​និង​អភិវឌ្ឍសមត្ថភាព ជាជាង​ចំណាយពេល​ឥត​ប្រយោជន៍ 5.ប្រេង​ឡើង​ថ្លៃ​ឥតឈប់ ពលរដ្ឋ​អាមេរិក​ត្រូវ​បង្កើន​ចំណាយ​ខ្ទង់ ៥ ០០០ ដុល្លារ​មួយ​ឆ្នាំ

សេដ្ឋកិច្ចជាតិ


កម្ពុជា​គ្រោង​ប្រើ​រថយន្ត​អគ្គិសនី​ឱ្យ​បាន ៤០ ភាគរយ​នៅ​ឆ្នាំ ២០៥០  ដើម្បី​ជួយ​កាត់បន្ថយ​​ឧស្ម័ន​កាបូន​ឱ្យ​នៅ​កម្រិត​សូន្យ 

គិត​មក​ត្រឹម​ថ្ងៃទី១៤ ខែឧសភា ឆ្នាំ២០២២ នេះ អគ្គនាយកដ្ឋានដឹក​ជញ្ជូន​ផ្លូវ​គោក​នៃ​ព្រះរាជាណាចក្រ​កម្ពុជា បាន​ចុះ​បញ្ជី​យានយន្ត​អគ្គិសនី (EV) បាន​ចំនួន ១៤៨ គ្រឿង ដោយ​ក្នុង​នោះ​មានរថយន្ត​ចំនួន ១១០ គ្រឿង និង​ទោចក្រ​យានយន្ត ត្រី​ចក្រយានយន្ត​អគ្គិសនី​ចំនួន ៣៨គ្រឿង។ នេះ​បើ​តាម​ប្រសាសន៍​របស់​លោក ស៊ុន ចាន់ថុល រដ្ឋមន្រ្តី​ក្រសួង​ក្រសួង​សាធារណការ និង​ដឹក​ជញ្ជូន ដែល​បាន​ឆ្លើយ​តប​សំនួរ​ក្នុង​កម្មវិធី MPWT Live Show នៅព្រឹកថ្ងៃ​ទី ២៧ ខែឧសភា ឆ្នាំ ២០២២ នេះ។ 

ដោយ​ឡែក​កំណើន​យានយន្ត​អគ្គិសនី​ក្នុង​រយៈ​ពេល​ ៥ ខែ​ដំបូង​ឆ្នាំ ២០២២ នេះ មាន​ចំនួន ៨៤ គ្រឿង​ធៀប​នឹង​រយៈ​ពេល​ដដែល​ក្នុង ២០២១ មាន​ចំនួន ៩ គ្រឿង ដែល​តួលេខ​នេះ​បង្ហាញ​ថា​បាន​កើន​ឡើង​ដល់​ជាង ៨០០ ភាគរយ។ 

ដើម្បី​ឱ្យ​ការ​ប្រើប្រាស់​យានយន្ត​អគ្គិសនី​នៅ​កម្ពុជា​កាន់​តែ​រលូន​និង​សម្រេច​តាម​គោលដៅ ក្រសួង​សាធារណការ និង​ដឹក​ជញ្ជូន​ បាន​សហការ​ជាមួយ​ស្ថាប័ន Energy Lab និង GIZ ដើម្បី​ផ្សព្វផ្សាយ​បន្ថែម និង​រៀបចំ​ការ​តាំង​ពិព័រណ៌​យានយន្ត​អគ្គិសនី​នៅ​ទីស្ដីការ​ក្រសួង ដែល​មាន​ក្រុមហ៊ុន​ចំនួន ១២ បាន​ចូលរួម​​ផ្សព្វផ្សាយ​ដល់​ប្រជាពលរដ្ឋ។

ជាមួយ​គ្នា​នេះ​ដែរ ក្រសួង​ក៏​បាន​សហការ​ជាមួយ​ក្រុមហ៊ុន​ចែកចាយ​ប្រេង​ដូចជា ក្រុមហ៊ុន​កាល់តិច ក្រុមហ៊ុន​តូតាល់ ក្រុមហ៊ុនPTT ក្រុមហ៊ុន​សូគីមិច និង​ក្រុមហ៊ុន​តេលា ដើម្បី​ឱ្យ​ផ្នែក​ឯកជន​អាច​ដំឡើង​ស្ថានីយ​បញ្ចូល​ថាមពល​អគ្គិសនី​នៅ​តាម​ស្ថានីយ៍​ប្រេង​ឥន្ធនៈ​របស់​ខ្លួន។

រដ្ឋមន្រ្តី​ក្រសួង​សាធារណការ និង​ដឹក​ជញ្ជូន ក៏​បាន​ជំរុញ​លើក​ទឹកចិត្ត​ឱ្យ​បងប្អូន​ប្រជាពលរដ្ឋ​ប្រើ​ប្រាស់យានយន្ត​អគ្គិសនី​ឱ្យ​បាន​ច្រើន ដើម្បី​ចូល​រួមចំណែក​កាត់​បន្ថយ​ការ​ចំណាយ​លើ​ប្រេង​ឥន្ធនៈ និង​ការ​បំពុល​បរិស្ថាន។ 

គួរ​បញ្ជាក់​ថា រដ្ឋាភិបាល​កម្ពុជា​បាន​កំណត់​គោលនយោបាយ​លុបបំបាត់​ការ​បញ្ចេញ​ឧស្ម័ន​កាបូន​ឱ្យ​ធ្លាក់​នៅ​កម្រិត​សូន្យ​នៅ​ឆ្នាំ ២០៥០ ហើយ​លើក​ទឹកចិត្ត​ឱ្យ​មាន​ការ​ប្រើប្រាស់​រថយន្ត​អគ្គិសនី​ឱ្យ​បាន​ក្នុង​អាត្រា ៤០ ភាគរយ​ និង​ម៉ូតូ​អគ្គិសនី​ក្នុង​អាត្រា ៧០ភាគរយ៕


Image

កម្ពុជា ទទួល​ជំនួយ​បន្ថែម​ពី​អាល្លឺម៉ង់​ជាង ៣០ លាន​ដុល្លារ សម្រាប់​ដោះ​ស្រាយ​បញ្ហា​អគ្គិសនី​តាម​ជនបទ

Image

កម្ពុជា​គ្រោង​ប្រើ​រថយន្ត​អគ្គិសនី​ឱ្យ​បាន ៤០ ភាគរយ​នៅ​ឆ្នាំ ២០៥០  ដើម្បី​ជួយ​កាត់បន្ថយ​​ឧស្ម័ន​កាបូន​ឱ្យ​នៅ​កម្រិត​សូន្យ 

Image

យុវវ័យ​ខ្មែរ​គួរ​ច្នៃ​បណ្តាញ​សង្គម​រក​ចំណូល​និង​អភិវឌ្ឍសមត្ថភាព ជាជាង​ចំណាយពេល​ឥត​ប្រយោជន៍

Image

ពលរដ្ឋ​ឡាវ​អាច​នៅ​​បន្តខ្វះ​ប្រេង​ប្រើប្រាស់ ព្រោះក្រុមហ៊ុនថៃ PTT ផ្គត់ផ្គង់មិនទាន់

Image

គម្រោង​វិនិយោគ ៤ ថ្មី តម្លៃ​ជិត ១៤ លាន​ដុល្លារ ផ្តល់​ការងារ​ក្បែរ ៣ ពាន់​កន្លែង​ដល់​ពលរដ្ឋ​ខ្មែរ

Image

វិចិត្រកររចនារូបសំណាក «ព្រះថោងនាងនាគ» ប្រើពេលជាង ២ ឆ្នាំ ទើបសាងសង់រួចរាល់ទាំងនៅខ្មែរនិងចិន