ព័ត៌មានអន្តរជាតិ

ប្រភពរូបភាព៖ Times Now News & Football.london

​យោង​តាម​ការ​ចេញផ្សាយ​ពី​ទំព័រ​ព័ត៌មាន​កីឡា​ ​T​h​e​ ​At​h​let​i​c ​បាន​ឱ្យ​ដឹង​ថា​ ​កីឡាករ​វ័យ​៣​០​ឆ្នាំ​រូប​នេះ​ ​កំពុង​ហ្វឹកហាត់​ដើម្បី​អាច​ចូលរួម​ការ​ប្រកួត​វិញ​ ​ខណៈ​លោក​ទើប​តែ​ត្រូវ​បាន​សង្គ្រោះ​ពី​ការ​រង​របួស​កជើង​កំលុងពេល​យកឈ្នះ​ក្រុម​ស៊ែ​ប៊ី​ក្នុង​លទ្ធផល​២​-​០​ ​កាលពី​ថ្ងៃ​ទី​២​៤​ ​ខែវិច្ឆិកា​ ​ឆ្នាំ​២​០​២​២​កន្លងទៅ​។​

​យ៉ាងណាមិញ​ ​ជំនួយ​ការ​គ្រូ​បង្វឹក​ ​លោក​ C​l​e​be​r X​a​vie​r ​បាន​និយាយ​កាលពី​ថ្ងៃ​ព្រហស្បតិ៍​ថា​ N​e​y​mar​ ​រួម​ជាមួយនឹង​មិត្ត​រួម​ក្រុម​ ​គឺ​កីឡាករ​ ​Ale​x ​Sand​ro ​និង​កីឡាករ​ ​D​a​nil​o ​ដែល​រង​របួស​ដែរ​នោះ​ ​កំពុងតែ​ទទួលការ​ព្យាបាល​ ​និង​រីក​ចម្រើន​វិញ​បណ្តើរៗ​ហើយ​ ​ខណៈ​ការ​សម្រេច​ចិត្ត​មួយ​នឹង​ត្រូវធ្វើ​ឡើង​លើ​កាលបរិច្ឆេទ​នៃ​ការ​ត្រឡប់មកវិញ​របស់​ពួកគេ​។​

​គួរ​រំឭក​ថា​ N​e​y​mar​ ​ដែល​ជា​ខ្សែ​ប្រយុទ្ធ​ជើង​ខ្លាំង​មកពី​ប្រេស៊ីល​ ​ធ្លាប់​ត្រូវ​បាន​បណ្តេញ​ចេញពី​ព្រឹត្តិការណ៍​ប្រកួត​បាល់ទាត់​ពិភពលោក​ឆ្នាំ​២​០​១​៤​ម្តង​រួចមក​ហើយ​ ​បន្ទាប់ពី​រង​របួស​ខ្នង​ក្នុង​វគ្គ​១​/​៤​ផ្តាច់ព្រ័ត្រ​ជាមួយនឹង​ក្រុម​ជម្រើស​ជាតិ​កូឡុំ​ប៊ី​ ​ហើយ​លោក​ក៏​មិនបាន​លេង​នៅ​ ​Cop​a​ ​America​ ​ឆ្នាំ​២​០​១​៩​ដែរ​ ​ដោយសារតែ​បញ្ហា​កជើង​ដូចគ្នា​៕