ព័ត៌មានអន្តរជាតិ

ប្រភពរូបភាព៖ Al Jazeera

​នៅ​ក្នុង​សេចក្តីថ្លែង​ការណ៍​មួយ​ ​ទីភ្នាក់ងារ​ជាតិ​គ្រប់គ្រង​ហា​និ​ភ័យ​ ​និង​គ្រោះ​មហន្តរាយ​ (UN​G​R​D​) ​បាន​ឱ្យ​ដឹង​ថា​ ​គ្រោះ​រអិល​បាក់​ដី​ដែល​បង្កឡើង​ដោយ​ភ្លៀង​ធ្លាក់​ខ្លាំង​ ​បាន​គ្របដណ្តប់​លើ​រថយន្តក្រុង​មួយ​គ្រឿងក្នុង​ខេត្ត​ R​i​s​ar​a​l​d​a​ ​ដែល​មាន​ចម្ងាយ​ប្រហែល​២​៣​០​គីឡូម៉ែត្រ​ភាគ​ពាយព្យ​នៃ​រដ្ឋធានី​បូ​កូ​តា​ (​Bog​o​t​a​) ​ដោយ​បណ្តាល​ឱ្យ​មាន​មនុស្ស​ស្លាប់​ ​និង​របួស​។​ ​បើ​តាម​ទីភ្នាក់ងារ​នេះ​ ​ជនរងគ្រោះ​យ៉ាងតិច​៨​នាក់​ ​គឺជា​អនីតិជន​។​

​យ៉ាងណាមិញ​ ​ជា​ការ​ឆ្លើយតប​ ​ប្រធានាធិបតី​នៃ​ប្រទេស​ ​លោក​ ​Gust​a​v​o ​P​e​t​ro ​បាន​ពណ៌នា​ឧប្បត្តិហេតុ​ថា​ ​ជា​សោកនាដកម្ម​ដ៏​រន្ធត់​ ​ហើយ​ក្រុម​អ្នក​ជួយសង្គ្រោះ​ត្រូវ​បាន​ប​ញ្ជូ​ល​ទៅ​កន្លែង​កើតហេតុ​ ​និង​បាន​ខ្នះខ្នែង​រក​អ្នកនៅរស់​រាន​។​ ​ក្នុង​កិច្ច​ខិតខំ​ប្រឹងប្រែង​នោះ​ ​មនុស្ស​ចំនួន​៩​នាក់​ ​ត្រូវ​បាន​រាយការណ៍​ថា​ ​បាន​ជួយសង្គ្រោះ​ដោយ​ជោគជ័យ​ ​ខណៈ​ជនរងគ្រោះ​ម្នាក់​ក្នុង​ចំ​នោម​នោះ​ ​គឺជា​ក្មេងស្រី​អាយុ​៧​ឆ្នាំ​ ​ដែល​ត្រូវ​បាន​គេ​រក​ឃើញ​ថា​ ​កំពុង​ជាប់​ជាមួយនឹង​ម្តាយ​របស់​នាង​ ​ក៏ប៉ុន្តែ​ស្ត្រី​ជា​ម្តាយ​បាន​ស្លាប់​បាត់បង់ជីវិត​ទៅ​ហើយ​។​

​យោង​តាម​សារ​ព័ត៌មាន​ CN​A​ ​គ្រោះ​រអិល​បាក់​ដី​ ​បាន​កើតឡើងជា​រឿយៗ​នៅ​ក្នុង​ប្រទេស​កូឡុំ​ប៊ី​ ​ដោយសារ​ទីនោះ​គឺជា​តំបន់​ភ្នំ​ ​និង​មាន​ភ្លៀង​ធ្លាក់​ញឹកញាប់​ ​ហើយ​ការ​រអិល​បាក់​ដី​ដ៏​ធំបំផុត​របស់​ប្រទេស​នេះ​ ​គឺ​បាន​កើតឡើង​ក្នុង​ឆ្នាំ​២​០​១​៧​ ​នៅ​ក្រុង​ ​M​o​co​a​ ​និង​បាន​សម្លាប់​មនុស្សជា​ង​៣​២​០​នាក់​៕