ព័ត៌មានអន្តរជាតិ

សេចក្តីថ្លែងការណ៍របស់ក្រសួងការបរទេសអាហ្វហ្គានីស្ថាន បានឱ្យដឹងថា ប្រធានជំនួយរបស់អង្គការសហប្រជាជាតិបានធ្វើទស្សនកិច្ចទៅកាន់ក្រុងកាប៊ុល កាលពីថ្ងៃចន្ទ ទី២៣ ខែមករា ហើយបានលើកឡើងពីក្តីព្រួយបារម្ភជុំវិញការអប់រំរបស់ស្ត្រី និងការធ្វើការជាមួយរដ្ឋមន្ត្រីស្តីទីនៃរដ្ឋបាលតាលីបង់។

ប្រភពរូបភាព៖ Bloomberg

​កាលពី​ខែមុន​ ​រដ្ឋបាល​ដែល​គ្រប់គ្រង​ដោយ​តា​លីប​ង់ ​បាន​បញ្ជា​ឱ្យ​អង្គការ​ក្រៅ​រដ្ឋាភិបាល​បញ្ឈប់​បុគ្គលិក​ស្ត្រី​ពី​ការងារ​ ​និង​បាន​ចេញច្បាប់​ហាមឃាត់​ស្ត្រី​ពី​ការសិក្សា​ថ្នាក់​សាកលវិទ្យាល័យ​ ​ដោយ​សកម្មភាព​នេះ​ ​បាន​ជំរុញ​ឱ្យ​ភ្នាក់ងារ​ជំនួយ​ជាច្រើន​ផ្អាក​ប្រតិបត្តិការ​របស់​ខ្លួន​ ​ចំ​ពេល​មានវិបត្តិ​មនុស្សធម៌​។​

​ជុំវិញ​បញ្ហា​នេះ​ ​ប្រធាន​ជំនួយ​របស់​អង្គការសហប្រជាជាតិ​ទទួលបន្ទុក​កិច្ចការ​មនុស្សធម៌​ ​លោក​ ​Mart​in​ ​G​r​if​fit​h​s ​បាន​លើកឡើង​ពី​បញ្ហា​នៃ​ការអប់រំ​ ​និង​ការងារ​របស់​ស្ត្រី​ ​ក៏ដូចជា​ផល​ប៉ះពាល់​ដល់​ប្រតិបត្តិការ​របស់​អង្គការសហប្រជាជាតិ​ ​ក៏ប៉ុន្តែ​ការិយាល័យ​នៅ​អា​ហ្វហ្គា​នី​ស្ថាន​មិនបាន​ឆ្លើយតប​ភ្លាម​ៗ​ចំពោះ​សំណើ​សុំ​ការ​អត្ថាធិប្បាយ​លើ​កិច្ចប្រជុំ​នោះ​ទេ​។​

​បើ​តាម​សារ​ព័ត៌មាន​ CN​A​ ​ការ​លើកឡើង​របស់​លោក​ ​បាន​កើតឡើង​បន្ទាប់ពី​ដំណើរ​ទស្សនកិច្ច​ទៅកាន់​ប្រទេស​អា​ហ្វហ្គា​នី​ស្ថាន​កាលពី​ស​ប្តាហ៍​មុន​របស់​អគ្គលេខាធិការ​រង​អង្គការសហប្រជាជាតិ​ ​លោកស្រី​ ​Am​in​a​ ​M​o​ham​me​d​ ​ដែល​បាន​សម្តែង​ការ​ជូនដំណឹង​ដល់​មន្ត្រី​តា​លីប​ង់​នៅ​ក្រុង​កា​ប៊ុ​ល​ ​និង​ភាគ​ខាងត្បូង​នៃ​ក្រុង​ K​and​a​h​ar​ ​ជុំវិញ​ច្បាប់​របស់​រដ្ឋបាល​ដែល​ដាក់​ក​ម្រិ​ត​ស្ត្រី​លើ​ការងារ​ ​និង​ការអប់រំ​។​

​ចាប់តាំង​ពី​ការ​ដណ្តើម​អំណាច​តាំងពី​ខែ​សីហា​ ​ឆ្នាំ​២​០​២​១​មក​ ​គ្មាន​រដ្ឋាភិបាល​បរទេស​ណាមួយ​ ​បាន​ទទួលស្គាល់​រដ្ឋបាល​របស់​ពួក​តា​លីប​ង់​ជា​ផ្លូវការ​នោះ​ឡើយ​ ​ហើយ​ប្រទេស​ជាច្រើន​ ​បាន​សម្តែង​ការ​ព្រួយបារម្ភ​យ៉ាង​ខ្លាំង​ចំពោះ​សិទ្ធិ​របស់​មនុស្ស​ស្រី​ដែល​មាន​អាយុ​លើស​ពី​១​២​ឆ្នាំ​ ​ដោយ​ពួកគេ​ត្រូវ​បាន​បញ្ឈប់​ការសិក្សា​នៅ​សាលា​ ​ឬ​ថ្នាក់​សាកលវិទ្យាល័យ​៕​
​