1.ប្រធានាធិបតីតួកគី ទទួលស្គាល់ពីកង្វះខាតនៃកិច្ចជួយសង្គ្រោះ ខណៈអ្នកស្លាប់កើនដល់១៥ ០០០នាក់ 2.ភាពខុសគ្នារវាងមូលបត្រ (Stock) និងសញ្ញាបណ្ណ(Bond) 3.កូរ៉េខាងជើង ទំនងជាបង្ហាញមីស៊ីលអន្តរទ្វីបកំលុងពេលធ្វើព្យុហយាត្រា 4.កូរ៉េខាងជើងបានប្រារព្ធខួបទី៧៥នៃការបង្កើតកងទ័ព 5.រយៈពេល១សប្ដាហ៍ខាងមុខនេះ កម្ពុជានឹងមានភ្លៀងធ្លាក់ក្នុងកម្រិតខ្សោយ

ព័ត៌មានជាតិ


បវរកញ្ញាអង់ហ្គោឡា កោតសរសើរសម្រស់ឆ្នេរសមុទ្រកម្ពុជា

​ក្នុង​ដំណើរ​មកកាន់​ប្រទេស​កម្ពុជា​ ​ជាលើកដំបូង​ ​បវរកញ្ញា​អង់​ហ្គោឡា ស្វេ​លី​យ៉ា​ ​ដា​ស៊ី​ល​វ៉ា​ ​អាន់​តូ​នី​ញ៉ូ (S​w​e​l​i​a​ ​d​a​ s​i​l​v​a​ ​ant​on​i​o) ​បាន​កោត​ស្ញប់ស្ញែង​យ៉ាង​ពិសេស​ចំពោះ​ភាព​ស្រស់​ស្អាត​ ​និង​ទាក់ទាញ​របស់​ឆ្នេរសមុទ្រ​កម្ពុជា​។​

​បវរកញ្ញា​អង់​ហ្គោឡា ​ក៏ដូចជា​ប្រតិភូ​សមាជិក​ក្លឹប​ឆ្នេរ​ស្អាត​បំផុត​លើ​សកលលោក​ ​មកពី​បណ្តា​ប្រទេស​ដទៃទៀត​ ​ត្រូវ​បាន​រៀបចំ​ឱ្យ​មាន​ ​ដំណើរ​ទស្សនកិច្ច​ស្វែងយល់​ពី​ការ​អភិវឌ្ឍ​ទីក្រុង​ព្រះ​សី​ហ​នុ ​ការ​អភិវឌ្ឍ​ហេដ្ឋារចនាសម្ពន្ធ​ផ្លូវ​ ​និង​អាង​ប្រព្រឹត្ត​កម្ម​ទឹក​កខ្វក់​ ​ដំណើរ​ទស្សនកិច្ច​ក​ម្សាន្ត​ទៅកាន់​គោលដៅ​ទេសចរណ៍​នានា​នៅ​តំបន់​សមុទ្រ​កម្ពុជា​ ​និង​បាន​ទៅ​ទស្សនា​ព្រៃ​កោងកាង​នៅ​ខេត្ត​កោះ​កុង​ ​ដែល​ជា​តំបន់​ព្រៃ​កោងកាង​ដ៏​ធំ​ជាងគេ​នៅ​អាស៊ី​។​

​កញ្ញា​ ​ក៏បាន​បញ្ជាក់​ថា​ ​នេះ​ជា​លើកទីមួយ​ហើយដែល​កញ្ញា​ធ្វើដំណើរ​មកកាន់​ប្រទេស​កម្ពុជា​ ​ហើយក៏​ជា​លើកទីមួយ​ដែល​កញ្ញា​ធ្វើដំណើរ​មក​តំបន់​អាស៊ី​ ​ហើយ​កញ្ញា​ ​ក៏បាន​បង្ហាញ​អារម្មណ៍​ថា​ ​រំភើប​រីករាយ​ដែល​បាន​មកដល់​ប្រទេស​កម្ពុជា​ ​ពិសេស​ ​គឺ​បាន​មកដល់​ខេត្ត​ព្រះ​សី​ហ​នុ ​ដែល​ជាគោល​ដៅ​ទេសចរណ៍​ឆ្នេរសមុទ្រ​ដ៏​សំខាន់​របស់​កម្ពុជា​។​

​«​ខ្ញុំ​គិតថា​រឿង​មួយ​ដែល​ល្អ​បំផុត​ ​គឺ​ឆ្នេរសមុទ្រ​ពិតជា​ស្អាត​ ​និង​អនាម័យ​។​ ​យើង​អាច​ឃើញ​ខ្សាច់​ទន់​ល្មើយ​ ​និង​ស្រស់​ស្អាត​អស្ចារ្យ​ ​ហើយ​យើង​អាច​លម្ហែ​កាយ​ ​ដើរ​ ​និង​សម្រាក​ស្រូប​យកខ្យល់អាកាស​។​ ​នេះ​ជា​អ្វី​ដែល​ខ្ញុំ​ពិតជា​សូម​សរសើរ​អំពី​ឆ្នេរ​នៅ​ទីនេះ​។​ ​វា​មិន​ត្រឹមតែ​ស្អាត​ទេ​ ​តែ​វាក​៏​ធ្វើ​ឱ្យ​យើង​មាន​អារម្មណ៍​ចង់​ត្រឡប់មកវិញ​ម្ដងទៀត​»​។​ ​នេះ​ជា​ការ​បញ្ជាក់​របស់​កញ្ញា​អង់​ហ្គោឡា​។​

​បវរកញ្ញា​អង់​ហ្គោ​ឡាវ័យ​២​៥​ឆ្នាំ​រូប​នេះ​ ​បាន​និយាយ​ថា​ ​«​អ្វី​ដែល​ខ្ញុំ​នឹង​និយាយ​អំពី​ឆ្នេរសមុទ្រ​កម្ពុជា​ ​នោះ​គឺថា​វា​ជា​កន្លែង​ដ៏​ស្រស់​ស្អាត​ ​និង​ជា​គួរ​ឱ្យ​ស្នាក់​នៅ​។​ ​ខ្ញុំ​មាន​សេចក្តីរីករាយ​ជា​ខ្លាំង​ណាស់​ដែល​ទទួល​បាន​បទពិសោធន៍​ជាមួយ​គណៈប្រតិភូ​ទាំងមូល​ ​និង​ជាមួយ​ក្រុម​ការងារ​ទាំងមូល​»​។​

​សូម​ជម្រាប​ថា​ ​បវរកញ្ញា​អង់​ហ្គោឡា ស្វេ​លី​យ៉ា​ ​ដា​ស៊ី​ល​វ៉ា​ ​អាន់​តូ​នី​ញ៉ូ ​បាន​រួម​ដំណើរ​ជាមួយ​ប្រតិភូ​អន្តរជាតិ​២​០​ប្រទេស​ទៀត​ ​មក​ចូលរួម​ក្នុង​មហាសន្និបាត​លើក​ទី​១​៦​របស់​ក្លឹប​ឆ្នេរសមុទ្រ​ដែល​ស្អាត​បំផុត​លើ​សាកលលោក​ចាប់ពី​ថ្ងៃ​ទី​៩​-​១​៤​ ​ខែ​ធ្នូ​ ​ឆ្នាំ​២​០​២​២​ ​នៅ​ខេត្ត​ព្រះ​សី​ហ​នុ ​ដោយ​ភ្ជាប់​ជាមួយ​ពិធីបុណ្យ​សមុទ្រ​លើក​ទី​៩​។​ ​ជាពិសេស​កញ្ញា​ ​សន្យា​ពាំ​នាំ​ព័ត៌មាន​អំពី​សោភ័ណ​រមណីយ​ភាព​ទាំងនេះ​ ​បង្ហាញ​ជូន​ប្រជាជន​ក្នុង​ប្រទេស​ខ្លួន​ ​ក៏ដូចជា​ទៅកាន់​ពិភពលោក​ ​ខណៈ​ឆ្នេរសមុទ្រ​កម្ពុជា​ ​ជាទី​គួរ​ឱ្យ​ចង់​ទស្សនា​ក​ម្សាន្ត ​និង​សម្រាក​លម្ហែ​ដ៏​ពេញចិត្ត​៕​

រូបភាព៖ ទេសចរណ៍



Image

អ្នកឧកញ៉ាវេជ្ជបណ្ឌិត គួច ម៉េងលី បរិច្ចាគថវិកាចំនួន ៥,០០០ដុល្លាដើម្បីជួយសង្គ្រោះជនភៀសខ្លួន

Image

អ្នកជំនាញប្រវត្តិសាស្ត្រ៖ ការចូលរួមអបអរចូលឆ្នាំចិន-វៀតណាមបង្ហាញពីការមិនរើសអើង

Image

ម៉ុងសាយ ដល់រដូវកាលត្រូវប៉ាន់

Image

ទឹកជំនន់នៅតាមបណ្ដោយស្ទឹងព្រែកត្នោតបានស្រកទៅវិញហើយ បន្ទាប់ពីឡើងយ៉ាងគំហុក

Image

កម្ពុជាបើកវគ្គហ្វឹកហ្វឺនដោះមីនដល់អ៊ុយក្រែន

Image

អ្នកឧកញ៉ា គួច ម៉េងលី បកស្រាយជុំវិញរូបថតស្និទ្ធស្នាលជាមួយនារីម្នាក់ដែលបង្ហោះលើបណ្តាញសង្គម