1.ប្រធានាធិបតីតួកគី ទទួលស្គាល់ពីកង្វះខាតនៃកិច្ចជួយសង្គ្រោះ ខណៈអ្នកស្លាប់កើនដល់១៥ ០០០នាក់ 2.ភាពខុសគ្នារវាងមូលបត្រ (Stock) និងសញ្ញាបណ្ណ(Bond) 3.កូរ៉េខាងជើង ទំនងជាបង្ហាញមីស៊ីលអន្តរទ្វីបកំលុងពេលធ្វើព្យុហយាត្រា 4.កូរ៉េខាងជើងបានប្រារព្ធខួបទី៧៥នៃការបង្កើតកងទ័ព 5.រយៈពេល១សប្ដាហ៍ខាងមុខនេះ កម្ពុជានឹងមានភ្លៀងធ្លាក់ក្នុងកម្រិតខ្សោយ

អប់រំ


ទស្សនកិច្ចសិក្សាសិស្ស Aii ទៅកាន់រមណីដ្ឋានកំពូលពេជ្រ បានបញ្ចប់ដោយជោគជ័យ

​ដើម្បី​ឱ្យសិ​សិស្សានុសិស្ស​ ​បាន​សម្រាក​លំហែអារម្មណ៍​ ​កាត់បន្ថយ​ភាព​តានតឹង​ ​និង​រៀន​ពី​ចំណេះ​ដឹង​ថ្មីៗ​ ​បន្ថែម​ពី​ក្នុង​ថា្នក់​ផង​នោះ​ ​គណៈ​គ្រប់គ្រង​ ​មជ្ឈមណ្ឌល​ភាសា​ អេ ​អាយ​ ​អាយ​ ​នៅ​ថ្ងៃ​ទី​៣​ ​ខែ​ធ្នូ​ ​ឆ្នាំ​២​០​២​២​នេះ​ ​បាន​ដឹកនាំ​សិស្សានុសិស្ស​ប្រមាណ​ជិត​ ​២​ពាន់​នាក់​ ​ធ្វើដំណើរ​ទស្សន​កិច្ចសិក្សា​ទៅកាន់​រមណីយដ្ឋាន​កំពូល​ពេជ្រ​ ​ឬ​អ​ង្លង់​ភ្ញៀវ​ ​ខេត្ត​តាកែវ​។​

​ជុំវិញ​ដំណើរ​ទស្សន​កិច្ចសិក្សា​លើក​ទី​៤​៤​ ​ទៅកាន់​រមណីយដ្ឋាន​កំពូល​ពេជ្រ​នេះ​ ​លោក​ ​សយ​ ​វ​ឌ្ឍ​នា​ ​អ្នក​រៀបចំ​ព្រឹត្តិការណ៍​ជាន់ខ្ពស់​ ​នៃ​មជ្ឈមណ្ឌល​ភាសា​អេ ​អាយ​ ​អាយ​ ​បាន​លើកឡើង​ថា​ ​គោលដៅ​នៃ​ដំណើរ​ទស្សន​កិច្ចសិក្សា​នេះ​ ​គឺ​យើង​ធ្វើឡើង​ដើម្បី​ឱ្យ​សិស្ស​បាន​ក្រេបជញ្ជក់​ចំណេះ​ដឹង​ថ្មីៗ​ ​ក៏ដូចជា​ការ​ប្រកបមុខរបរ​ប្រចាំថ្ងៃ​ ​ក​ម្រិ​ត​ជីវភាពរស់នៅ​ ​និង​ស្មារតី​ឧ​ស្សាហ៍​ព្យាយាម​របស់​ប្រជាកសិករ​នៅ​តាម​ទី​ជនបទ​ ​រួម​ទាំង​បាន​គយគន់​ទេសភាព​ភូមិឋាន​ ​ស្រែ​ចម្ការ​ច្បារ​ដំណាំ​នានា​ ​ក្នុង​ខេត្ត​តាកែវ​ផង​ដែរ​។​

​លោក​ ​សយ​ ​វ​ឌ្ឍ​នា​ ​អះអាង​ថា​ ​តាមរយៈ​ទស្សន​កិច្ចសិក្សា​នេះ​ ​សិស្សានុសិស្ស​នឹងបាន​រៀនសូត្រ​ពី​ចំណេះ​ដឹង​ថ្មីៗ​ ​មាន​ភាព​ក្លាហាន​ជាង​មុន​ ​និង​បទ​ពិសោធ​ក្នុង​ការ​សហការ​ ​ការ​​​ដឹកនាំ​ ​សាមគ្គីភាព​ ​ឯករាជ្យ​ភាព​ ​ភាព​ម្ចាស់ការ​ ​បង្កើន​ទំនាក់ទំនង​រវាង​គ្នា​និង​គ្នា​ ​ជាមួយ​គ្រូ​និង​សិស្ស​ ​និង​ទំនាក់ទំនង​ជាមួយ​មហាជន​បាន​កាន់តែ​ប្រសើរ​។​

​លោក​ ​សង្កត់ធ្ងន់​ថា​ ​គណៈ​គ្រប់គ្រង​នៃ​មជ្ឈមណ្ឌល​ភាសា​ អេ ​អាយ​ ​អាយ​ ​នឹង​បន្ត​ធ្វើ​ការស្រាវជ្រាវ​យ៉ាង​ទូលំទូលាយ​ ​ដើម្បី​កំណត់​ទីតាំង​ ​និង​ដឹកនាំ​សិស្ស​របស់យើង​ទៅកាន់​រមណីយដ្ឋាន​នានា​ ​កន្លែង​ប្រវត្តិសាស្ត្រ​ ​សារមន្ទីរ​ជាតិ​ ​ប្រាសាទបុរាណ​ ​កន្លែង​កសិកម្ម​ ​និង​ឧស្សាហកម្ម​ផ្សេងៗ​ក្នុង​ប្រទេស​កម្ពុជា​ ​ដោយមាន​ការចូលរួម​ពីសំណាក់​សិស្ស​ផ្ទាល់​ ​ដើម្បី​ឱ្យ​ពួកគេ​ទាញ​យក​បទ​ពិសោធ​ថ្មីៗ​ ​មេរៀន​ពី​ជីវិត​ថ្មីៗ​ជាច្រើន​ទៀត​។​

​តាម​ការ​កត់​សម្គាល់​ ​ដំណើរ​ទស្សន​កិច្ចសិក្សា​នេះ​ ​សិស្សានុសិស្ស​ទាំងអស់​បាន​ចូលរួម​យ៉ាង​យកចិត្តទុកដាក់​ជាមួយ​គណៈ​គ្រប់គ្រង​សាលា​ ​លោកគ្រូ​ ​អ្នក​គ្រូ​ ​ដោយមាន​របៀបរៀបរយ​ត្រឹមត្រូវ​ ​និង​ធ្វើដំណើរ​មកកាន់​រាជធានី​ភ្នំពេញ​វិញ​ប្រកបដោយ​សុវត្ថិភាព​។​

​គួរ​ជម្រាប​ជូន​ថា​ ​មជ្ឈមណ្ឌល​ភាសា​ អេ ​អាយ​ ​អាយ​ ​មាន​កម្មវិធីសិក្សា​ដូចជា​វគ្គ​បណ្តុះបណ្តាល​ផ្នែក​ភាសា​អង់គ្លេស​ ​ភាសា​ចិន​ ​និង​ភាសា​ថៃ​គ្រប់​ក​ម្រិ​ត​ ​វគ្គ​បណ្តុះបណ្តាល​ ​T​E​SO​L​ ​ថ្នាក់​ត្រៀម​ប្រឡង​ ​TOE​F​L​ ​សម្រាប់​សិស្សានុសិស្ស​គ្រប់​វ័យ​៕​



Image

សម្ដេចតេជោ ហ៊ុន សែន ជួបជាមួយសិស្សប្រឡងជាប់និទ្ទេស A ឆ្នាំ២០២២

Image

សាលារៀន អន្តរទ្វីប អាមេរិកាំង ប្រគល់មេដាយមាស និងរង្វាន់លើកទឹកចិត្តជាច្រើនដល់សិស្សនិទ្ទេស A

Image

អ្នកឧកញ៉ា គួច ម៉េងលី បន្តបោះទុនវិនិយោគឡើងទីផ្សារភាគហ៊ុន ក្នុងឱកាសខួបគម្រប់១៨ឆ្នាំ របស់ក្រុមហ៊ុន MJQE និងមជ្ឈមណ្ឌលភាសា អេ អាយ អាយ

Image

កុំភ្លេចចូលរួម ពិព័រណ៍ជំនាញ និងសាកលវិទ្យាល័យ ដើម្បីស្វែងរកឱកាសអភិវឌ្ឍន៍សមត្ថភាព ចំណេះ-ជំនាញ

Image

រដ្ឋាភិបាលប្រ៊ុយណេ ផ្ដល់អាហារូបករណ៍ច្រើនកន្លែងដល់និស្សិតខ្មែរ

Image

អ្នកឧកញ៉ា គួច ម៉េងលី បកស្រាយជុំវិញរូបថតស្និទ្ធស្នាលជាមួយនារីម្នាក់ដែលបង្ហោះលើបណ្តាញសង្គម