សេដ្ឋកិច្ចជាតិ

​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​ម​.​ក​ (​M​JQ​E​) ​និង​ក្រុមហ៊ុន​ ​អ​ អេ​ច​ ​ប៊ី​ ​ស៊ី​ឃ្យួរឹ​ធី​ (ខេ​ម​បូ​ឌា) ​ម​.​ក​ - R​H​B ​Securities​ (​Cam​bo​d​i​a​) ​P​l​c. ​ដែល​ត្រូវបានតែងតាំងជា​ភ្នាក់ងារ​ធានា​មូលបត្រ​ ​កាលពី​ថ្ងៃ​ទី​៣​០​ ​ខែវិច្ឆិកា​ម្សិលមិញ​នេះ​ ​បាន​ចូល​ជួប​ ​ឯកឧត្តម​ ​ស៊ូ​ ​សុជាតិ​ ​ប្រតិភូ​រាជរដ្ឋាភិបាល​ទទួលបន្ទុក​ជា​អគ្គនាយក​ ​នៃ​និយ័ត​ករ​មូលបត្រ​កម្ពុជា​ (​ន​.​ម​.​ក​.) ​អម​ដោយ​ ​ឯកឧត្តម​ ​សៀង​ ​ធី​រិទ្ធ​ ​អគ្គនាយក​រង​នៃ​ ​ន​.​ម​.​ក​. ​ដើម្បី​បង្ហាញ​ឆន្ទៈ​ក្នុង​ការបោះផ្សាយ​លក់​មូលបត្រ​កម្មសិទ្ធិ​ជា​សាធារណៈ​នៅដើម​ឆ្នាំ​២​០​២​៣​ ​ខាងមុខនេះ​។​

​

នា​ឱកាស​នោះ​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ប្រធាន​ក្រុមប្រឹក្សា​ភិ​បាល​ ​និង​អគ្គនាយក​ប្រតិបត្តិ​ ​នៃ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​បាន​ឱ្យ​ដឹង​ថា​ ​ក្រុមហ៊ុន​របស់​លោក​ ​បាន​ត្រៀម​ខ្លូ​ន​រួចជាស្រេច​ ​និង​កំពុង​រៀបចំ​នីតិវិធី​ ​និង​លក្ខខណ្ឌ​តម្រូវ​តាម​បទបញ្ញត្តិ​ ​ដើម្បី​ស្នើសុំ​ការអនុញ្ញាត​ពី​និយ័ត​ករ​មូលបត្រ​កម្ពុជា​ (S​E​RC) ​និង​ផ្សារ​មូលបត្រ​កម្ពុជា​ (CSX) ​ហើយ​រំពឹង​ទុក​ថា​ដំណើរការ​ចុះបញ្ជី​នៅ​ផ្សារ​មូលបត្រ​នេះ​នឹង​បញ្ចប់​ក្នុងរយៈពេល​ដ៏​ខ្លី​ខាងមុខនេះ​។​

​បើ​តាម​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ដោយសារ​វិ​ស័យ​អប់រំ​គឺជា​វិ​ស័យ​អាទិភាព​ ​និង​ជា​គន្លឹះ​នៃ​ការ​អភិវឌ្ឍ​ប្រទេស​ ​និង​សេដ្ឋកិច្ច​ជាតិ​ ​ស្រប​ពេល​ដែល​ប្រទេស​កម្ពុជា​យើង​មាន​សុខ​សន្តិភាព​ល្អ​ផង​នោះ​ ​យើងខ្ញុំ​មាន​ក្តី​សង្ឃឹម​ជឿជាក់​ថា​ ​យើង​នឹង​ទទួល​បាន​ការចាប់អារម្មណ៍​ ​និង​គាំទ្រ​ច្រើន​ពី​សាធារណជន​ដែល​នឹង​ជួយ​ឱ្យ​សកម្មភាព​ជួញ​ដូរ​ភាគ​ហ៊ុន​កាន់តែ​មានសន្ទុះ​ខ្លាំង​ឡើង​ ​និង​ចូល​រួមចំណែក​ជាមួយ​រាជរដ្ឋាភិបាល​កម្ពុជា​ជ​ម្រុ​ញ​ឱ្យវិ​ស័​យ​អប់រំ​នៅ​ក្នុង​ប្រទេស​កម្ពុជា​យើង​កាន់តែ​មាន​ភាព​រឹង​មាំ​ ​និង​គុណភាព​អប់រំ​ប្រកបដោយ​ស្តង់​ដារ​ខ្ពស់​បំផុត​។​

​ជាមួយនឹង​គ្នា​នេះ​ ​អ្នកឧកញ៉ា​ ​ក៏បាន​អំពាវនាវ​ដល់​គណៈ​គ្រប់គ្រង​ ​លោកគ្រូ​ ​អ្នក​គ្រូ​ ​បុគ្គលិក​ ​សិស្សានុសិស្ស​ ​មាតាបិតា​ ​អ្នកអាណាព្យាបាល​សិស្ស​ ​និង​សាធារណជន​ទាំងអស់​ ​ចូលរួម​គាំទ្រ​ឱ្យ​បាន​ផុស​ផុល​។​

​អគ្គនាយក​ប្រតិបត្តិ​ ​នៃ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​រូប​នេះ​ ​អះអាង​ថា​ ​«​យើងខ្ញុំ​ប្តេជ្ញា​ថា​នឹង​បន្ត​ផ្តល់​សេវា​អប់រំ​ប្រកបដោយ​គុណភាព​ខ្ពស់​ដល់​សិស្សានុសិស្ស​ដែល​ជា​ទំពាំងស្នងឫស្សី​ជាតិ​ ​តាមរយៈ​ការ​បង្រៀន​ប្រកបដោយ​គុណភាព​ ​ទំនើបកម្ម​សម្ភារ​បរិក្ខារ​ ​និង​សកម្មភាព​ច្នៃប្រឌិត​ ​ដើម្បី​បង្កើន​បទពិសោធន៍​សិក្សា​ដល់​សិស្សានុសិស្ស​របស់យើង​។​»​

​គួរ​ជម្រាប​ថា​ ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​ម​.​ក​ (​M​JQ​E​) ​ដែល​មាន​មជ្ឈមណ្ឌល​ភាសា​ អេ ​អាយ​ ​អាយ​, ​សាលារៀន​ ​អន្តរទ្វីប​ ​អាមេរិកាំង​, ​ស្ថាប័ន​ ​SO​GO​ (​Study​ ​Overseas​ ​Go​ ​Overseas​) ​និង​ ​i​-​Learn​ ​ជា​ប្រព័ន្ធ​អប់រំ​មួយ​ដែល​ផ្តោត​សំខាន់​បំផុត​ទៅលើ​ ​គុណភាព​ វិ​ន័យ​ ​និង​ ​សេវាកម្ម​។​ ​ប្រព័ន្ធ​អប់រំ​មួយ​នេះ​ ​បាន​ផ្សារភ្ជាប់​ ​និង​ស្របគ្នា​ទៅ​នឹង​ការប្រើប្រាស់​គំនិតច្នៃប្រឌិត​ ​ការ​បង្កើត​គំនិត​ថ្មីៗ​ ​និង​ការ​គិត​ស៊ី​ជម្រៅ​ ​ដើម្បី​ធ្វើ​ឱ្យ​មាន​ការផ្លាស់ប្តូរ​ដ៏​ល្អ​មួយ​សម្រាប់​យុវជន​ជំនាន់​ក្រោយ​៕​