សង្គម

​នៅ​ថ្ងៃ​ទី​១​៦​ ​ខែ​មករា​ ​ឆ្នាំ​២​០​២​៣​នេះ​ ​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ប្រធាន​ក្រុមប្រឹក្សា​ភិ​បាល​ ​និង​អគ្គនាយក​ប្រតិបត្តិ​នៃ​ក្រុមហ៊ុន​ ​ម៉េង​លី​ ជេ.គួ​ច​ អេឌ្យូខេ​សិន​ ​បាន​ប្រកាស​ជូនដំណឹង​ជា​សារ​ណៈ​ថា​ ​មាន​ជន​ខិលខូច​ ​បាន​លួច​បន្លំ​បង្កើត​ ​បណ្ដាញ​ទំនាក់ទំនង​តេឡេក្រាម​ដោយ​ដាក់ឈ្មោះ​ថា​ ​Men​g​l​y​ J.Qu​a​c​h​, ​M​D​, ​M​P​H​ ​និង​ដាក់​រូបថត​ដូច​បេះ​បិត​ទៅ​នឹង​ ​Telegram​ ​ពិតប្រាកដ​របស់​លោក​ ​ហើយ​ឆាត​ទៅ​អ្នក​ដែល​ស្គាល់​ជាច្រើន​នាក់​ក្នុង​គោលបំណង​មិន​ល្អ​។​

​អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​បាន​បង្ហោះ​សារ​តាមរយៈ​ទំព័រ​ហ្វេសប៊ុក​ផ្ទាល់ខ្លួន​យ៉ាង​ដូច្នេះ​៖​ ​«​ជម្រាប​សួរ​បងប្អូន​ ​មិត្តភ័ក្តិ​ ​និង​ប្រិយ​មិត្ត​ទាំងអស់​ ​ក្នុងរយៈពេល​ប៉ុន្មាន​ឆ្នាំនេះ​ ​មាន​មនុស្សជា​ច្រើន​បាន​ប្រើប្រាស់​អត្តសញ្ញាណ​របស់​ខ្ញុំ​ដើម្បី​បោកប្រាស់​មនុស្ស​ទូទាំង​ពិភពលោក​ ​ដូច្នេះ​សូម​ឱ្យ​មាន​ការប្រុងប្រយ័ត្ន​។​ ​មនុស្សជា​ច្រើន​បាន​ប្រើប្រាស់​អត្តសញ្ញាណ​របស់​ខ្ញុំ​ដើម្បី​បោកប្រាស់​មនុស្ស​ទូទាំង​ពិភពលោក​ ​ដូច្នេះ​សូម​ ​អោយ​មាន​ការប្រុងប្រយ័ត្ន​។​»​

​អ្នកឧកញ៉ា​ ​បាន​បញ្ជាក់​ទៀត​ថា​៖​ ​«​ខ្ញុំ​សូម​ជម្រាប​ជូន​ថា​ ​គណនី​តេឡេក្រាម​របស់​ខ្ញុំ​គឺ​: ​h​t​t​p​s://​t​.​me​/​men​g​l​y​jqu​a​c​h​ ​និង​ ​h​t​t​p​s://​t​.​me​/​d​r​men​g​l​y​jqu​a​c​h​ ​។​ ​សូម​បងប្អូន​ ​មិត្តភ័ក្តិ​ ​និង​ប្រិយ​មិត្ត​ទាំងអស់​ប្រុងប្រយ័ត្ន​ចំពោះ​គណនី​តេឡេក្រាម​មួយ​ចំនួន​ដែល​ជា​តេលេ​ក្រាម​បោកប្រាស់​ ​សូម​អរគុណ​។​»​

​គួរ​ជម្រាប​ជូន​ថា​ ​ករណី​ឆបោក​តាម​អ៊ី​ន​ធឺ​ណេ​ត​នៅ​កម្ពុជា​ ​នៅតែ​ជា​បញ្ហា​ចោទ​ ​ដូចជា​ករណី​បន្លំ​ខ្លួន​ ​បង្កើត​បណ្ដាញ​សង្គម​ ​និង​ប្រើប្រាស់​រូបភាព​របស់​ម្ចាស់​ដើម​ ​ឆាត​ទៅ​ឆ​បោ​កមនុស្ស​ស្និទ្ធស្នាល​ ​ឬ​អ្នក​ស្គាល់គ្នា​ ​តែងតែ​កើតមានឡើង​ជា​ញឹកញាប់​ ​ជាពិសេស​បណ្ដាញ​សង្គម​របស់​ថ្នាក់​ដឹកនាំ​ ​និង​បុគ្គល​សាធារណៈ​ ​ដែល​មាន​ប្រជាប្រិយភាព​ ​និង​មាន​មហាជន​ខ្មែរ​ស្គាល់​ច្រើន​៕