សង្គម

​ក្រសួង​ធនធាន​ទឹក​និង​ឧតុនិយម​ ​នៅ​មុននេះ​បន្តិច​ ​បាន​ចេញ​សេចក្តីជូនដំណឹង​ស្តីពី​ស្ថានភាព​ធាតុអាកាស​ ​ចាប់ពី​ថ្ងៃ​ទី​១​៨​ ​ដល់​ថ្ងៃ​ទី​២​៤​ ​ខែ​មករា​ ​ឆ្នាំ​២​០​២​៣​ ​ទ្រនុង​នៃ​សម្ពាធ​ខ្ពស់​ (​ចិន​) ​និង​ខ្យល់​មូសុង​ឦ​សាន្ត​បក់​ក្នុង​ល្បឿន​ពី​មធ្យម​ទៅ​បង្គួរ​ ​បន្ត​មាន​ឥទ្ធិពល​មក​លើ​កម្ពុជា​ ​ក្នុងកំលុង​មួយ​ស​ប្តាហ៍​ខាងមុខនេះ​។​

​ប្រភព​ដដែល​ ​បញ្ជាក់​ថា​ ​ស្ថានភាព​បែប​នេះ​នឹង​ធ្វើ​ឱ្យ​តំបន់​ទំនាបកណ្តាល​មាន​សីតុណ្ហភាពអប្បបរមា​ ​មាន​ពី​ ​២​០​-​២​៣​ ​អង្សា​សេ​ ​សី​តុ​ណ្ហភាព​អតិបរមា​ ​មាន​ពី​ ​៣​០​-​៣​២​ ​អង្សា​សេ​។​ ​អាកាសធាតុ​អា​ចចុះ​ត្រជាក់​ក្នុង​ក​ម្រិ​ត​មធ្យម​ ​ពិសេស​ទំនាប​ភាគ​ពាយ័ព្យ​មាន​ជាអាទិ៍​ ​ខេត្ត​កំពង់ធំ​ ​សៀមរាប​ ​ពោធិ៍សាត់​ ​បាត់​ដំបង​ ​បន្ទាយ​មានជ័យ​ ​និង​ខេត្ត​ប៉ៃលិន​។​

​ចំពោះ​តំបន់​ខ្ពង់រាប​ ​សីតុណ្ហភាពអប្បបរមា​ ​មាន​ពី​ ​១​៧​-​២​១​ ​អង្សា​សេ​ ​សីតុណ្ហភាពអតិបរមា​ ​មាន​ពី​ ​២​៩​-​៣​១​ ​អង្សា​សេ​ ​ខណៈ​អាកាសធាតុ​អា​ចចុះ​ត្រជាក់​ក្នុង​ក​ម្រិ​ត​ពី​មធ្យម​ទៅ​បង្គួរ​ ​ពិសេស​ជួរ​ភ្នំដងរែក​ ​និង​ខ្ពង់រាប​ឦ​សាន្ត​មាន​ដូចជា​ ​ខេត្ត​មណ្ឌលគិរី​ ​រតនគិរី​ ​ព្រះវិហារ​ ​និង​ខេត្ត​ឧត្តរមានជ័យ​ជាដើម​។​

​ដោយឡែក​តំបន់​មាត់សមុទ្រ​ ​សីតុណ្ហភាពអប្បបរមា​ ​មាន​ពី​ ​២​២​-​២​៤​ ​អង្សា​សេ​អង្សា​សេ​ ​សី​តុ​ណ្ហ​ភាព​អតិបរមា​ ​មាន​ពី​ ​៣​១​-​៣​៣​ ​អង្សា​សេ​ ​នឹង​ធ្វើ​ឱ្យ​អាកាសធាតុ​អា​ចចុះ​ត្រជាក់​ក្នុង​ក​ម្រិ​ត​ខ្សោយ​។​

​ទោះ​ជា​យ៉ាងនេះ​ក្តី​ ​ក្រសួង​ធនធាន​ទឹក​ ​ក៏បាន​អំពាវនាវ​ដល់​ប្រជាពលរដ្ឋ​ឱ្យ​បង្កើ​ន​ការប្រុងប្រយ័ត្ន​ចំពោះ​ស្ថានភាព​ចុះ​ត្រជាក់​នេះ​៕​
​
​