សង្គម

​បើ​ទោះ​ជា​វិ​ស័​យ​ទី​ផ្សារ​មូលបត្រ​នៅ​កម្ពុជា​បាន​បើក​ដំណើរការ​ប្រមាណ​១​០​ឆ្នាំ​ហើយ​ក្ដី​ ​ប៉ុន្តែ​ទាំង​ក្រុមហ៊ុន​ដែល​បាន​ចូលរួម​ ​និង​វិនិ​យោគិន​ដែល​បាន​ចូល​ទិញ​មូលបត្រ​ ​ហាក់​នៅ​មាន​ក​ម្រិ​ត​នៅឡើយ​។​ ​ករណី​នេះ​អ្នកជំនាញ​លើកទឹកចិត្ត​ឱ្យ​ម្ចាស់ក្រុមហ៊ុន​ ​សហគ្រាស​ចូលរួម​ឱ្យ​បាន​ច្រើន​ដោយ​មិន​ប្រកាន់​ថា​ជា​ក្រុមហ៊ុន​ដែល​វិនិយោគ​លើ​ផ្នែក​អ្វី​ឡើយ​។

លោកស្រី​ ​គឹម​ ​សុផា​នីតា​ ​ប្រធាន​នាយកដ្ឋាន​ប្រតិបត្តិការ​ទី​ផ្សារ​នៃ​ផ្សារ​មូលបត្រ​កម្ពុជា​ ​ប្រាប់​M​JQ​T​V​ ​ដូចនេះ​ក្នុង​សិក្ខាសាលា​ ​ស្តីពី​ ​ការ​ស្វែងយល់​អំពី​វិ​ស​័​យ​មូលបត្រ​នៅ​កម្ពុជា​ ​និង​ការ​ត្រៀម​ខ្លួន​វិនិយោគ​លើ​មូលបត្រ​កម្មសិទ្ធិ​ ​ដែល​រៀបចំ​ដោយ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​ម​.​ក​។​
​អ្នកស្រី​មានប្រសាសន៍ថា​ ​«​សម្រាប់​ទី​ផ្សារ​យើង​អត់​កំណត់​ថា​គាត់​ត្រូវ​មកពី​វិ​ស័​យ​ណា​ទេ​ ​យើង​លើកទឹកចិត្ត​ឱ្យ​មកពី​គ្រប់​វិ​ស័​យ​ ឱ្យ​តែ​គាត់​បាន​បង្ហាញ​ពី​សក្ដានុពល​ថា​ ​គាត់​អាច​នឹង​ធ្វើអាជីវកម្ម​បាន​ល្អ​ដែល​គាត់​អាច​នឹង​រឹង​មាំ​ ​គាត់​មាន​រចនាសម្ពន្ធ​ល្អ​ ​គាត់​អាច​ចំណេញ​ ​គាត់​មាន​របាយការណ៍​ត្រឹមត្រូវ​។​

​ផ្សារ​មូលបត្រ​កម្ពុជា​ ​គឺជា​សហគ្រាស​សាធារណៈ​មួយ​ដែល​ត្រូវ​បាន​សម្ពោធ​ដាក់​អោយ​ដំណើរការ​ ​កាលពី​ខែ​កក្កដា​ ​ឆ្នាំ​ ​២​០​១​១​ ​ក្នុង​នោះ​ភាគ​ហ៊ុន​របស់​រដ្ឋ​មាន​ចំនួន​ភាគច្រើន​ (​៥​៥​%) ​ហើយ​បង្កើត​ឡើង​ដើម្បី​រៀបចំ​ ​និង​ដាក់​អោយ​ដំណើរការ​ទី​ផ្សារ​មូលបត្រ​ដំបូងបង្អស់​នៅ​កម្ពុជា​។​ ​រហូតមកដល់​ឆ្នាំ​២​០​២​៣​នេះ​ ​មាន​ក្រុមហ៊ុន​ដែល​បាន​៩​ដែល​បាន​ចុះបញ្ជី​លក់​ជា​ភាគ​ហ៊ុន​ ​ក្នុង​នោះ​មាន​៧​ ​ជា​ក្រុមហ៊ុន​បាន​ចុះបញ្ជី​ជា​ក្រុមហ៊ុន​មាន​ទី​ផ្សារ​គោល​ ​និង​២​ក្រុមហ៊ុន​ជា​ប្រភេទ​ក្រុមហ៊ុន​ទី​ផ្សារ​កំណើន​៕