សង្គម

​ក្រសួង​ធនធាន​ទឹក​ ​និង​ឧតុនិយម​ ​នៅ​ថ្ងៃ​ទី​២​៤​ ​ខែ​មករា​ ​ឆ្នាំ​២​០​២​៣​នេះ​ ​បាន​ចេញ​សេចក្តីជូនដំណឹង​ស្តីពី​ស្ថានភាព​ធាតុអាកាស​នៅ​កម្ពុជា​ ​ចាប់ពី​ថ្ងៃ​ទី​២​៥​-​៣​១​ ​ខែ​មករា​ ​ឆ្នាំ​២​០​២​៣​ ​ដោយ​ក្រសួង​បញ្ជាក់​ថា​ ​ក្នុង​អំឡុង​ស​ប្តាហ៍​ទី​៤​ ​នៃ​ខែ​មករា​នេះ​ ​កម្ពុជា​ ​បន្ត​ទទួល​ឥទ្ធិពល​ពី​ទ្រនុង​នៃ​សម្ពាធ​ខ្ពស់​ (​ចិន​) ​និង​ខ្យល់​មូសុង​ឦសាន​បក់​ ​ក្នុង​ល្បឿន​ពី​មធ្យម​ទៅ​ខ្លាំង​។​

​ស្ថានភាព​បែប​នេះ​នឹង​ធ្វើ​ឱ្យ ​តំបន់​ទំនាបកណ្តាល​ ​សីតុណ្ហភាពអប្បបរមា​ ​មាន​ពី​ ​១​៨​-​២​២​ °C ​សីតុណ្ហភាពអតិបរមា​ ​មាន​ពី​ ​២​៨​-​៣​៣​ °C ​អាកាសធាតុ​អា​ចចុះ​ត្រជាក់​ក្នុង​ក​ម្រិ​ត​មធ្យម​។​ ​ខណៈ​តំបន់​ខ្ពង់រាប​ ​សីតុណ្ហភាពអប្បបរមា​ ​មាន​ពី​ ​១​៥​-​២​០​°C ​សីតុណ្ហភាពអតិបរមា​ ​មាន​ពី​ ​២​៨​- ​៣​១​°C ​ធាតុអាកាស​អា​ចចុះ​ត្រជាក់​ពី​មធ្យម​ទៅ​ខ្លាំង​។​ ​ជាពិសេស​ខេត្ត​រតនគិរី​ ​មណ្ឌលគិរី​ ​ព្រះវិហារ​ ​និង​ឧត្តរមានជ័យ​ ​សីតុណ្ហភាពអប្បបរមា​ ​អាច​ធ្លាក់ចុះ​មក​នៅ​ ​១​៥​-​១​៧​°C ​នៅ​ពេលព្រឹក​ ​និង​នៅ​ពេលយប់​។​

​ក្រុម​អ្នកព្យាករ​អាកាសធាតុ​ដដែល​ ​បាន​បញ្ជាក់​ថា​ ​តំបន់​មាត់សមុទ្រ​ ​នឹង​មាន​សីតុណ្ហភាពអប្បបរមា​ ​មាន​ពី​ ​២​១​-​២​៣​ °C ​និង​សីតុណ្ហភាពអតិបរមា​ ​មាន​ពី​ ​៣​០​-​៣​៣​ °C ​នឹង​អាច​មាន​ខ្យល់បក់​បោក​លាយឡំ​ ​និង​រលក​សមុទ្រ​ខ្ពស់​ ​ដែល​តម្រូវ​ឱ្យ​បងប្អូន​សាធារណជន​ ​បន្ត​បង្កើន​ការប្រុងប្រយ័ត្ន​ ​ចំពោះ​ស្ថានភាព​ចុះ​ត្រជាក់​នេះ​៕​
​