1.អ្នក​ឧកញ៉ា គួច ម៉េងលី៖ «មិន​ចង់​ឱ្យ​កូន​បាក់​ទឹក​ចិត្ត និង​រៀន​ចាញ់ប្រៀប​គេ គួរ​ឱ្យ​ពួកគេ​ចូល​សាលា​ពី​អាយុ ៣ ឆ្នាំ 2.កម្ពុជា ទទួល​ជំនួយ​បន្ថែម​ពី​អាល្លឺម៉ង់​ជាង ៣០ លាន​ដុល្លារ សម្រាប់​ដោះ​ស្រាយ​បញ្ហា​អគ្គិសនី​តាម​ជនបទ 3.កម្ពុជា​គ្រោង​ប្រើ​រថយន្ត​អគ្គិសនី​ឱ្យ​បាន ៤០ ភាគរយ​នៅ​ឆ្នាំ ២០៥០  ដើម្បី​ជួយ​កាត់បន្ថយ​​ឧស្ម័ន​កាបូន​ឱ្យ​នៅ​កម្រិត​សូន្យ  4.យុវវ័យ​ខ្មែរ​គួរ​ច្នៃ​បណ្តាញ​សង្គម​រក​ចំណូល​និង​អភិវឌ្ឍសមត្ថភាព ជាជាង​ចំណាយពេល​ឥត​ប្រយោជន៍ 5.ប្រេង​ឡើង​ថ្លៃ​ឥតឈប់ ពលរដ្ឋ​អាមេរិក​ត្រូវ​បង្កើន​ចំណាយ​ខ្ទង់ ៥ ០០០ ដុល្លារ​មួយ​ឆ្នាំ

យុវវ័យ


មិន​ចង់​ឱ្យ​កូន​បាក់​ទឹក​ចិត្ត​រៀន​សូត្រ សម្តេច ណែនាំ​ឪពុកម្តាយ​ឱ្យ​តម​តំណម​សំខាន់​នេះ​ដាច់​ខាត

សម្តេច ហ៊ុន សែន ប្រមុខ​រដ្ឋាភិបាល​កម្ពុជា នា​ព្រឹក​ថ្ងៃ​ទី ០៣ ខែ​ឧសភា ឆ្នាំ ២០២២ នេះ បាន​ផ្តាំ​ផ្ញើ​ដល់​មាតាបិតា​ឬ​អាណាព្យាបាល​សិស្ស​ឱ្យ​តម​តំណម​សំខាន់​មួយ បើ​ចង់​ប្រៀនប្រដៅ​កូន​ចៅ​ឱ្យ​បាន​ល្អ​និង​ត្រឹមត្រូវ ចៀសវាង​ធ្វើ​ឱ្យ​ពួកគេ​បាក់​ទឹក​ចិត្ត​ក្នុង​ការ​រៀនសូត្រ។ 

ក្នុង​ពិធី​អញ្ជើញ​ជួប​សំណេះសំណាល​ព្រម​ទាំង​ផ្តល់​រង្វាន់​លើក​ទឹក​ចិត្ត​ដល់​សិស្ស​ប្រលង​ជាប់​និទ្ទេស A សម្តេច ហ៊ុន សែន បាន​អំពាវ​នាវ​ដល់​មាតាបិតា​ឬ​អាណាព្យាបាល​សិស្ស កុំ​ប្រៀបធៀប​កូនៗ​របស់​ខ្លួន​នឹង​កូន​អ្នក​ដទៃ​ឬ​សូម្បី​តែ​ប្រៀបធៀប​ជាមួយ​សមាជិក​ក្នុង​គ្រួសារ​តែ​មួយ​ក៏ដោយ។

លោក​សង្កត់​ធ្ងន់​ថា ការ​ស្តី​បន្ទោស​កូនៗ​ដោយ​ប្រៀប​ធៀប​នឹង​អ្នកណា​ម្នាក់ អាច​ធ្វើ​ឱ្យ​ពួកគេ​ប៉ះពាល់​ផ្លូវ​ចិត្ត​ជា​ខ្លាំង ដែល​អាច​នាំ​ឱ្យ​ការ​សិក្សា​របស់​ពួកគេ​ដំណើរការ​មិន​សូវ​បាន​ល្អ​នោះ។ ផ្ទុយ​ទៅ​វិញ លោក​ណែនាំ​ឱ្យ​មាតាបិតា គួរ​ប្រឹងប្រែង​រក​ដំណោះ​ស្រាយ​ល្អៗ​សម្រាប់​កូន ដើម្បី​ជា​ការ​លើក​ទឹក​ចិត្ត​ពួកគេ​ឱ្យ​មាន​ស្មារតី​ល្អ​ក្នុង​ការ​រៀនសូត្រ។

លើស​ពី​នេះ​ប្រមុខរដ្ឋាភិបាល​កម្ពុជា ក៏​បាន​ទទូច​សូម​កុំ​ឱ្យ​មាន​ការ​ស្តី​បន្ទោស​គ្រូ ពេល​សិស្ស​ណា​ម្នាក់​រៀន​មិន​ពូកែ ព្រោះ​ថា​គ្រូ​ម្នាក់ៗ​តែង​តែ​ប្រឹងប្រែង​បង្ហាត់បង្រៀន​សិស្ស​យ៉ាង​អស់​ពី​ចិត្ត​ពី​ថ្លើម ដើម្បី​ផលិត​ធនធាន​មនុស្ស​ដែល​ផ្តល់​ប្រយោជន៍​ដល់​សង្គមជាតិ។ លោក​បន្ថែម​ថា​ឪពុកម្តាយ​ខ្លះ ពេល​កូន​រៀន​ពូកែ សរសើរ​ថា​ពូជ​ខ្លួន​ល្អ តែ​ពេល​កូន​រៀន​ខ្សោយ​ទៅ​ជា​បន្ទោស​ថា​គ្រូ​មិន​កើត​ទៅ​វិញ ដែល​នេះ​ជា​រឿង​មួយ​មិន​គួរ​កើតឡើង​ទាល់​តែ​សោះ។ 

លោក​បាន​ផ្តាំ​​ជា​ចុង​ក្រោយ​ថា សិស្សានុសិស្ស​ទាំងអស់​ត្រូវ​យក​ចិត្ត​ទុក​ដាក់​លើ​គុណ​គ្រូ ហើយ​បើ​ទោះ​បីជា​ពួកគាត់​ទៅ​ជា​យ៉ាង​ណា មិន​គួរ​មើល​ងាយ​គ្រូ​របស់​ខ្លួន​ជា​ដាច់ខាត ព្រោះ​ថា​ការណ៍​ដែល​សិស្ស​ចេះ​ដឹង​និង​មាន​បាន​ក៏​ព្រោះ​តែ​គ្រូ​នេះ​ឯង ពោល​ត្រូវ​ចងចាំ​ជានិច្ច​ថា «គ្រូ​មួយ​ថ្ងៃ​គឺ​គ្រូ​មួយ​ជីវិត»៕

រូបភាព៖ ទំព័រហ្វេសប៊ុក​សម្តេច ហ៊ុន សែន


Image

សិស្សានុសិស្ស AIS និទ្ទេស A ចំនួន៥២នាក់ ទទួលរង្វាន់ពីនាយករដ្ឋមន្ត្រី

Image

មិន​ចង់​ឱ្យ​កូន​បាក់​ទឹក​ចិត្ត​រៀន​សូត្រ សម្តេច ណែនាំ​ឪពុកម្តាយ​ឱ្យ​តម​តំណម​សំខាន់​នេះ​ដាច់​ខាត

Image

បណ្ណាល័យ​ម៉េងលី ជេ.​គួច ឋាន​សួគ៌​សម្រាប់​អ្នក​ចូល​ចិត្ត​អាន​សៀវភៅ​

Image

ពីយុវសិស្សធ្លាប់បាក់ទឹកចិត្ត រៀនភាសាចិនពុំសូវចាប់បាន ក្លាយជាសិស្សពូកែភាសាចិន

Image

វិចិត្រករដៃឯកទទួលបានមេដាយ និងពានរង្វាន់ជ័យលាភីលេខ១ពីប្រទេសជប៉ុន

Image

វិចិត្រកររចនារូបសំណាក «ព្រះថោងនាងនាគ» ប្រើពេលជាង ២ ឆ្នាំ ទើបសាងសង់រួចរាល់ទាំងនៅខ្មែរនិងចិន