ចិនរំពឹងពីការងើបឡើងវិញក្នុងវិស័យទេសចរណ៍នៅឆ្នាំនេះ
Admin
.jpg)
ប្រភពរូបភាព៖ The Star
យោងតាមទិន្នន័យពីបណ្ឌិតសភាទេសចរណ៍ចិន ប្រាក់ចំណូលពីទេសចរណ៍ក្នុងស្រុកនៅឆ្នាំ២០២៣នេះ អាចឡើងដល់៥៨០ពាន់លានដុល្លារ ដោយកើនឡើងពីមួយឆ្នាំទៅមួយឆ្នាំប្រហែល៩៥ភាគរយ ហើយនឹងងើបឡើងវិញដល់កម្រិត៧១ភាគរយនៃឆ្នាំ២០១៩។
ចំណែកចំនួនភ្ញៀវទេសចរក្នុងស្រុក ត្រូវបានរំពឹងថា នឹងកើនឡើងដល់៤,៥៥ពាន់លាននាក់ ដែលជាការកើនឡើង៨០ភាគរយពីមួយឆ្នាំទៅមួយឆ្នាំ ខណៈចំនួនភ្ញៀវទេសចរក្នុង និងក្រៅប្រទេស អាចនឹងមានចំនួនជាង៩០លាននាក់ កើនឡើងទ្វេដងពីមួយឆ្នាំទៅមួយឆ្នាំ និងកើនឡើងដល់៣១,៥ភាគរយនៃកម្រិតមុនជំងឺរាតត្បាត។
របាយការណ៍បានបង្ហាញយ៉ាងដូច្នេះ «មានការរំពឹងថា ទីផ្សារទេសចរណ៍នឹងចូលទៅក្នុងបណ្តាញថ្មីមួយនៃការពង្រឹង ក្នុងត្រីមាសទីពីរ ហើយវិស្សមកាលរដូវក្តៅត្រូវបានគេរំពឹងថា នឹងនាំឱ្យមានការងើបឡើងវិញយ៉ាងពេញលេញ»។
ជាក់ស្តែង បន្ទាប់ពីប្រទេសចិនបានលុបចោលគោលនយោបាយកូវីដដ៏តឹងរ៉ឹងខ្លួន ការធ្វើដំណើរនៅទូទាំងប្រទេស ក៏បានកើនឡើង ជាពិសេសក្នុងកំលុងពេលថ្ងៃឈប់សម្រាកបុណ្យចូលឆ្នាំ ដែលឃើញមានការកើនឡើងនៃអាត្រាធ្វើដំណើរ។ នេះបើតាមការចេញផ្សាយពីសារព័ត៌មាន CNA៕
