ពាក់ព័ន្ធ​ការ​ប្រកួត​នេះ​ ​កញ្ញា​ អ៊ឺ​ង​ មុ​យ​ឡេង​ ​ប្រធាន​គ្រូ​ផ្នែក​ភាសា​ចិន​ ​នៃ​មជ្ឈមណ្ឌល​ភាសា​ អេ ​អាយ​ ​អាយ​ ​សាខា​ជ្រោយ​ចង្វា​រ​ ​បាន​ឱ្យ​ដឹង​ថា​ ​កម្មវិធី​ការ​ប្រកួត​ល្បឿន​សរសេរ​ពាក្យ​ម៉េង​លី​ ជេ.គួ​ច​ ​លើក​ទី​ ​៤​ ​ធ្វើឡើង​ក្នុង​គោលបំណង​ ​ចង់​ឱ្យ​សិក្សា​នុ​សិស្ស​អាច​សរសេរ​ពាក្យ​ឱ្យ​បាន​ច្រើន​ក្នុងរយៈពេល​ខ្លី​ ​ជាពិសេស​ ​គឺ​បណ្តុះ​នូវ​ភាព​ក្លាហាន​ដល់​សិស្សានុសិស្ស​ ​ជាពិសេស​ ​បណ្តុះ​ភាព​ក្លាហាន​ ​ទទួល​បាន​ចំណេះ​ដឹង​ ​និង​ ​បទពិសោធន៍​ថ្មីៗ​ ​បង្កើន​ល្បឿន​ក្នុង​ការ​សរសេរ​។​

​កញ្ញា​ អ៊ឺ​ង​ មុ​យ​ឡេង​ ​បាន​និយាយ​ថា​៖​ ​«​ដំណើរការ​ក្នុង​ការ​ប្រកួត​ ​ដំបូង​តម្រូវ​ឱ្យសិស្សានិ​សិស្ស​ប្រកួត​ក្នុង​វគ្គ​ជម្រុះ​ ​ដោយ​ក្នុង​មួយ​ក​ម្រិ​ត​ធំ​ៗ​យក​១​២​នាក់​ ​បន្ទាប់មក​ពួក​តម្រូវ​ឱ្យ​ប្រកួត​នៅ​លើ​ឆាក​ដើម្បី​ជម្រុះ​ស្វែងរក​ម្ចាស់​ជ័យ​លា​ភី​ ​ហើយ​នៅទីបំផុត​ ​យើង​រក​ឃើញ​ជើង​ខ្លាំង​ចំនួន​ ​៣​រូប​ ​ដោយ​ម្ចាស់​ពានរង្វាន់​លេខ​១​ ​បាន​ទៅលើ​ ​បេក្ខជន​ ​សុខ​ ​ប៊ុន​ឆាយ​ ​មកពី​មជ្ឈមណ្ឌល​ភាសា​ អេ ​អាយ​ ​អាយ​ ​សាខា​ទួល​គោក​ ​ខណៈ​លេខ​២​ ​បាន​ទៅលើ​ ​បេក្ខជន​ ​រ៉េ​ន​ ​ជា​ហេង​ ​មកពី​សាខា​ផ្សារ​ថ្មី​ ​និង​លេខ​ ​៣​បាន​ទៅលើ​ ​បេក្ខជន​ ​ជួ​ ​ឧត្តម​មុនី​រ័ត្ន ​មកពី​សាខា​ ​ម៉ៅសេទុង​។​»​

​សូម​ជម្រាប​ថា​ ​ក្នុង​ការ​ប្រកួត​នេះ​ផង​ដែរ​ ​សិស្ស​ដែល​ទទួល​បាន​ ​ជ័យ​លា​ភី​លេខ​១​ ​ទទួល​បាន​ពានរង្វាន់​ ​អាហារូបករណ៍​១​០​០​% ​មេដាយ​មាស​ ​ប​ណ្ណ​សរសើរ​ ​ហើយ​លេខ​២​ ​ទទួល​បាន​មេដាយ​ប្រាក់​ ​អាហារូបករណ៍​៧​៥​% ​ប​ណ្ណ​សរសើរ​ ​និង​លេខ​៣​ ​ទទួល​បាន​អាហារូបករណ៍​៥​០​% ​មេដាយ​សំរឹទ្ធ​ ​ប​ណ្ណ​សរសើរ​ ​និង​វត្ថុ​អា​នុស្សា​វ​រី​យ៍​ជាច្រើន​ទៀត​៕