1.អ្នក​ឧកញ៉ា គួច ម៉េងលី៖ «មិន​ចង់​ឱ្យ​កូន​បាក់​ទឹក​ចិត្ត និង​រៀន​ចាញ់ប្រៀប​គេ គួរ​ឱ្យ​ពួកគេ​ចូល​សាលា​ពី​អាយុ ៣ ឆ្នាំ 2.កម្ពុជា ទទួល​ជំនួយ​បន្ថែម​ពី​អាល្លឺម៉ង់​ជាង ៣០ លាន​ដុល្លារ សម្រាប់​ដោះ​ស្រាយ​បញ្ហា​អគ្គិសនី​តាម​ជនបទ 3.កម្ពុជា​គ្រោង​ប្រើ​រថយន្ត​អគ្គិសនី​ឱ្យ​បាន ៤០ ភាគរយ​នៅ​ឆ្នាំ ២០៥០  ដើម្បី​ជួយ​កាត់បន្ថយ​​ឧស្ម័ន​កាបូន​ឱ្យ​នៅ​កម្រិត​សូន្យ  4.យុវវ័យ​ខ្មែរ​គួរ​ច្នៃ​បណ្តាញ​សង្គម​រក​ចំណូល​និង​អភិវឌ្ឍសមត្ថភាព ជាជាង​ចំណាយពេល​ឥត​ប្រយោជន៍ 5.ប្រេង​ឡើង​ថ្លៃ​ឥតឈប់ ពលរដ្ឋ​អាមេរិក​ត្រូវ​បង្កើន​ចំណាយ​ខ្ទង់ ៥ ០០០ ដុល្លារ​មួយ​ឆ្នាំ

វប្បធម៌


វិចិត្រកររចនារូបសំណាក «ព្រះថោងនាងនាគ» ប្រើពេលជាង ២ ឆ្នាំ ទើបសាងសង់រួចរាល់ទាំងនៅខ្មែរនិងចិន

រូបបដិមាព្រះថោងនាងនាគ បានឆ្លងកាត់ការរចនាដោយប្រើពេលយូររហូតជាង ២ ឆ្នាំ ទើបរួចរាល់សម្រាប់លើកតម្កល់លើបល្ល័ង្កនៅថ្ងៃទី ០៥ ខែមេសា ឆ្នាំ ២០២២ នេះ។

លោក សុខ ចំរើន ដែលជាវិចិត្រករនិងជាម្ចាស់សិប្បកម្ម នរះសឹង្ហ ដែលទទួលសិទ្ធិរចនារូបសំណាកគំរូព្រះថោងនាងនាគ បានប្រាប់ MJQTV ថា ដំបូងឡើយមានក្រុមហ៊ុនមួយចំនួនដាក់ដេញថ្លៃក្នុងការរចនារូបសំណាកនេះ តែមានតែក្រុមការងារលោកប៉ុណ្ណោះដែលក្រសួងបានសម្រេចផ្តល់សិទ្ធិក្នុងការរចនារូបសំណាកស្ពាន់គំរូនេះឡើង ដោយសារលោកមានបទពិសោធយូរឆ្នាំខាងចម្លាក់ក្បាច់ និងរចនាបថខ្មែរសម័យបុរាណតាំងពីឆ្នាំ ១៩៩៧ មក។ 

លោក ចំរើន បានបន្ថែមថា ក្រុមការងាររបស់លោកនៅប្រទេសកម្ពុជាប្រមាណ ៦ នាក់ ត្រូវប្រើពេល ៣ ខែក្នុងការរចនារូបសំណាកគំរូព្រះថោងនាងនាគ ហើយខាងមន្រ្តីក្រសួងពាក់ព័ន្ធប្រើពេល ៦ ខែទៀត ដើម្បីពិនិត្យនិងវាយតម្លៃលើការរចនា ពិសេសក្បាច់របស់តួអង្គទាំងពីរ។

អតីតនិស្សិតសាកលវិទ្យាល័យភូមិន្ទ វិចិត្រសិល្បៈ បានពន្យល់ថា ពាក់ព័ន្ធនឹងក្បាច់នៃរូបសំណាក ខាងភាគីក្រសួងជាអ្នកផ្តល់ឱ្យ ដោយតម្រូវយកក្បាច់សម័យកណ្តាល សម្រាប់តួអង្គរូបសំណាកព្រះថោង ឯមកុដសម្រាប់តួអង្គព្រះនាងនាគគឺយកតាមរចនាបថអង្គរ។ 

ក្រោយពេលរចនារួចរាល់ ហើយខាងភាគីក្រសួងក៏បានយល់ព្រមជាមួយនឹងរចនាបថ រូបសំណាកព្រះថោងនាងនាគត្រូវដឹកបន្តទៅប្រទេសចិនដើម្បីស្លពុម្ពខ្នាតធំកម្ពស់ ២១ ម៉ែត្រ។ យ៉ាងណាមិញ ដោយសារវិបត្តិកូវីដ ទើបធ្វើឱ្យរូបសំណាកត្រូវអូសបន្លាយពេលដល់ទៅ ២ ឆ្នាំ ដោយលោកបានត្រឹមតែទាក់ទងជាមួយភាគីចិនតាមប្រព័ន្ធអនឡាញប៉ុណ្ណោះ។ 

វិចិត្រកររូបនេះ ពន្យល់ថា ការធ្វើការងារតាមអនឡាញទៅលើកិច្ចការស្លពុម្ពរូបសំណាកដ៏ធំមហិមានេះ មានការលំបាកគួរសម ហើយការទាក់ទងគ្នា ត្រូវមានអ្នកបកប្រែជាភាសាចិននៅចាំសម្របសម្រួល។ លោកប្រាប់ដោយស្មោះត្រង់ថា រូបសំណាកព្រះថោងនាងនាគដែលដឹកមកតម្លើងនៅខេត្តព្រះសីហនុនេះ មានសភាពដូចរូបសំណាកដើម ៨០ ភាគរយប៉ុណ្ណោះ តែលោកក៏ស្ងើចសរសើរភាគីចិន ដែលព្យាយាមប្រិតប្រៀងទៅលើក្បាច់ ត្បិតថាលោកមិនបានទៅមើលផ្ទាល់ក៏ដោយ។

យ៉ាងណាមិញ វិចិត្រករមានស្រុកកំណើតនៅខេត្តពោធិ៍សាត់រូបនេះ បានបង្ហាញមោទកភាពជាខ្លាំង ក្រោយពេលការងារជាច្រើនឆ្នាំបានរួចរាល់ ពិសេសរូបសំណាកព្រះថោងនាងនាគ បានក្លាយជាស្នាដៃសិល្បៈទុកសម្រាប់ក្មេងជំនាន់ក្រោយ។

រូបសំណាកព្រះថោងនាងនាគ ធ្វើឡើងពីស្ពាន់ មានកម្ពស់សរុប ២១ម៉ែត្រ បល្ល័ង្គកម្ពស់ ៦,៣៤ម៉ែត្រ។ រូបសំណាកនេះតម្លើងនៅចំកណ្តាលរង្វង់មូលព្រះថោងនាងនាគ ដោយព្រះភ័ក្រ្តបែរទៅសមុទ្ររាមខេត្តព្រះសីហនុ ទ្រង់យាងទៅជួបព្រះមាតាបិតានៅឋានភុជង្គនាគ ដែលជានិម្មិតរូបនៃការកកើតទឹកដី វប្បធម៌ អរិយធម៌ ប្រពៃណី ទំនៀមទម្លាប់ខ្មែរ៕


 


 


Image

មូលហេតុ​ខេត្ត​កំពង់ចាម​បាន​ចំណូល​ពី​ភ្ញៀវទេសចរ​ច្រើន​ជាង​គេ ពេល​ចូល​ឆ្នាំ​ខ្មែរ

Image

តាម​ពិត​គេ​រាប់​ចំនួន​ភ្ញៀវ​ទេសចរ​ដើរ​លេង​ថ្ងៃ​ចូល​ឆ្នាំ​ខ្មែរ តាម​វិធី​នេះ

Image

ខេត្ត​បាត់ដំបង​ស្ថិត​នៅ​កំពូល​តារាង មាន​ភ្ញៀវ​ទេសចរ​ដើរ​លេង​កម្សាន្ត​ច្រើន​ជាង​គេ​ពេល​ចូល​ឆ្នាំ​ខ្មែរ

Image

វិចិត្រកររចនារូបសំណាក «ព្រះថោងនាងនាគ» ប្រើពេលជាង ២ ឆ្នាំ ទើបសាងសង់រួចរាល់ទាំងនៅខ្មែរនិងចិន

Image

វិចិត្រកររចនារូបសំណាក «ព្រះថោងនាងនាគ» ប្រើពេលជាង ២ ឆ្នាំ ទើបសាងសង់រួចរាល់ទាំងនៅខ្មែរនិងចិន