ក្រសួង​អប់រំ​ ​យុវជន​ ​និង​កីឡា​ ​នៅ​ថ្ងៃ​ទី​២​ ​ខែវិច្ឆិកា​ ​ឆ្នាំ​២​០​២​២​នេះ​ ​ក្រោម​ការ​សហការ​ជាមួយ​ ​អគ្គលេខាធិការដ្ឋាន​នៃ​ក្រុមប្រឹក្សា​ជាតិ​កម្ពុជា​ដើម្បី​អភិវឌ្ឍ​យុវជន​ ​និង​អង្គការ​ UN​F​P​A​ ​បាន​រៀបចំ​ពិធិ​បើក​សិក្ខាសាលា​ ​ភាពជា​ដៃគូ​ជាមួយ​អង្គការ​មិនមែន​រដ្ឋាភិបាល​ស្ដីពី​ ​«​ការ​អភិវឌ្ឍ​យុវជន​កម្ពុជា​»​ ​ក្រោមអធិបតីភាព​ ​ឯកឧត្ដម​ ​បណ្ឌិត​ ​ស៊ាន​ ​បូរ៉ា​ត​ ​រដ្ឋលេខាធិការ​ក្រសួង​អប់រំ​ ​យុវជន​ ​និង​កីឡា​ ​និង​ជា​សមាជិក​ក្រុមប្រឹក្សា​ជាតិ​កម្ពុជា​ដើម្បី​អភិវឌ្ឍ​យុវជន​។​

​បើ​តាម​ករ​សួង​អប់រំ​ ​សិក្ខាសាលា​លើក​ទី​៣​នេះ​ ​គឺជា​កិច្ច​ខិតខំ​ប្រឹងប្រែង​មួយ​ ​ដើម្បី​លើក​ក​ម្ពស់ ​និង​ជំរុញ​ការងារ​អភិវឌ្ឍ​យុវជន​ ​និង​មាន​គោលបំណង​ចំនួន​៣​ ​រួម​មាន​ ​បន្ត​កិច្ច​សហការ​ល្អ​ប្រសើរ​ជាមួយ​ដៃគូ​អភិវឌ្ឍ​យុវជន​ទាំងអស់​ ​ដើម្បី​ឧត្តម​ប្រយោជន៍​ដល់​យុវជន​កម្ពុជា​, ​ផ្ដល់​ឱកាស​ឱ្យ​ដៃគូ​អភិវឌ្ឍ​យុវជន​បាន​ចែករំលែក​ឧ​ត្ត​មា​នុ​វត្ត​ ​ដើម្បី​ពង្រឹង​ការចូលរួម​ក្នុង​ការ​កសាង​ចំណេះ​ដឹង​ ​ជំនាញ​ ​និង​សក្តានុពល​ដល់​យុវជន​កម្ពុជា​ក្នុង​បរិ​បទ​ថ្មី​នៃ​យុគ​សម័យ​ឌី​ជី​ថល​ ​និង​ពិភាក្សា​ជាមួយ​ដៃគូ​អភិវឌ្ឍ​យុវជន​ទាំងអស់​ ​ដើម្បី​ចូលរួម​ដោះស្រាយបញ្ហា​របស់​យុវជន​ទាំងអស់គ្នា​ ​ក៏ដូចជា​ការចូលរួម​ក្នុង​ការ​អភិវឌ្ឍ​សង្គមជាតិ​ប្រកបដោយ​ចីរភាព​ ​សមធម៌​ ​និង​បរិ​យា​ប​ន្ន​៕